Campamento temático centrado na astronomía e na ciencia. As persoas asistentes contarán coa posibilidade de descubrir actividades moi novedosas e de realizar observacións astronómicas cun material ao alcance de pouca xente. Entre outras:

• Observacións nocturnas, con aprendizaxe de manexo de telescopios de aficionado.
• Observacións diurnas, con telescopios solares en H- alfa.
• Seguemento en visual e vídeo de satélites artificiais. Análise de fotografía meteorolóxica.
• Interpretación de imaxes planetarias. Elaboración de maquetas topográficas da Lúa e Marte.
• Maquetas de naves espaciais.
• Iniciación á astrofotografía.
• Construción de reloxos de Sol.
• Cohetes de auga e cohetes de astromodelismo.
• Recepción de datos de satélites.
• Construción de radiotelescopio caseiro.
• Manexo dun planetario dixital.
• Introdución á astrobioloxía.
• Elaboración de documentos con formato de artigo científico.
• Mantemento de blogue da actividade.
• Cine espacial e simuladores para os días de mal tempo.

Como en todos os nosos campamentos, os aspectos educativos e convivenciais tamén serán relevantes. A nosa empresa aposta pola educación en valores nos campamentos.

• Bicicleta de montaña.
• Xeocaching ou busca de tesouros con GPS.
• Tiro con arco.
• Sendeirismo, visitas pola zona, piscina…

A estruturación das visitas vén determinada pola súa duración. Na proposta de actividades que se oferta inténtase evitar procesos acelerados que alteren o ritmo habitual do neno/a, evitándolle confusión, cansazo e saturación, ao mesmo tempo o desaproveitamento dos recursos reais que se ofrecen.

Todo o que vivimos educa. Temos uns momentos ao longo do día destinados ao reforzo de HÁBITOS e RUTINAS, persoais e de grupo: hixiene persoal, pór e recoller as mesas do comedor, ordenar as cousas na habitación, lavado de mans, coidado e recollida de xogos,… co fin de favorecer a autonomía persoal e a capacidade de colaborar en tarefas diarias de grupo.